JOLASGUNEEN ERALDAKETA baino gehiago, HERRI ERALDAKETA

Negua iritsi zaigu gure inguruneetara bat batean, haize hotza, euria, euritakoak, ordu aldaketak… Eta beste behin ere, eragin digu gure barnean.

Zer egingo dugu? Ludotekan B planak sortzen hasi beharko gara, eskulanak, jolas guneak aterpez josi, seietarako etxeratu…

Euskal Herrian inoiz euririk egingo ez balu bezala ezta?

 Jolas bat proposatu nahi dizuet, ERRONKA gisa. Aurrez aipatuz noski, erronkarako arropa beroa, galtzerdi lodiak eta euritako arropa beharko ditugula, prest? Ekin diezaiogun erronkari!!
  • 1
    Bi aukera dituzue, heldu gisa joan zaitezkete edota abentura hau zure haurrarekin batera egin, zu zeu zaren horrekin.  
  • 2
    AUKERATU ZUEN INGURUNEKO BERDE GUNE BAT, zuhaitzak dituena ahal bada, aldaparen bat edo beste duena, edota ibai ondoan kokatzen dena. Nola iritsi zarete bertaraino? Zer ikusi duzu bidean? Zer izan da gehien, gutxien gustatu zaizuena?
  • 3
    Hautatu ingurunean puntu bat eta EGON BERTAN, eserita, zutik…
  • 4
    Badu ibaiak soinurik? Bada ingurunean beste soinurik? Hiria/herria, non daude? Zer entzun genezake?
  • 5
    Euripean joan bazarete kontuan izan, nondik dator euria? Behatu ahal duzue inoiz zuhaitzetan nola erortzen den? Ur guztia erortzen ahal da lurrera? Eta orduan, nora doa ura?
  • 6
    Zer da ulertzen ez duzuena? Zer da ikusitakoaren ostean zalantza sortzen dizuena? Saia zaitez erantzuna topatzen, ukituz, nahastuz, zikinduz.

7. NAHI ADINA DENBORA EGON zaitezkete bertan, zeruari begira, kolorez aldatzen den, ilundu edota argitzen duen behatuz.

8. ZUEK ERABAKIKO duzue NOIZ AMAITU ARIKETA, eta amaitzean kontuan izan, zenbat denbora egon zarete bertan? Nola egon zarete? Zer ikasi duzue eta zenbat galdera gehiago dituzue?  

Ariketaren asmoa ez da gaur eguna lehenaldiarekin parekatu eta okerrago gaudela esatea, honen aurrean egin dezakeguna zer den pentsatzea baizik.

Erronkari balioa zuek emango diozue, ez aurkibideek, ez jolasaren instrukzioek, ez hedabideek eta ez helduen hitzek, zuen bizipena izango da balio duena, sentsazioa eta beraz, ikasketa.

Antzeko artikuluak

Harremanetatik eraikiz, txikitik eraikiz: Parte hartzearen ikuskerak
Izan zaitez eragile aktiboaMaitzeko trebakuntzaAniztasun funtzionala astialdianInformazio gehiago eskuratuHarremanetatik eraikiz, txikitik eraikiz: Parte hartzearen ikuskerakBaditugu 11 arrazoi eta 18 ardura.[...]
Haurren parte hartzea sustatzeko estrategia: Asanblada
Izan zaitez eragile aktiboa Apirileko trebakuntza Ipuin bidezko balioen transmizioa Informazio gehiago eskuratu Haurren parte hartzea sustatzeko estrategia: Asanblada Hezitzaile[...]
Jolasguneen eraldaketa baino gehiago, HERRI ERALDAKETA
JOLASGUNEEN ERALDAKETA baino gehiago, HERRI ERALDAKETA Negua iritsi zaigu gure inguruneetara bat batean, haize hotza, euria, euritakoak, ordu aldaketak… Eta[...]

Patxintxiketan proiektua ezagutzen duzu?

>