Urtxintxa Eskola, 1986an sortutako irabazi asmorik gabeko elkartea da. Aisialdi Hezitzailean eta Suspertze Soziokulturalean garai horretan zegoen hutsunea betetzeko sortu zen elkartea, Hezkuntza Ez Formalean aritzeko asmoarekin, aisialdia suspertzeko helburuarekin eta Euskal Herria aintzat hartuko zuen Eskola laikoa sortzeko beharrak bultzatuta.

Eusko Jaurlaritzak onartutako Aisialdiko eta Suspertze Soziokulturaleko eskola ofiziala gara., eta 4000 pertsonatik gora trebatu dira gure ikastaroetan urte hauetan Aisialdiko Begirale, Aisialdiko Zuzendari eta Suspertze Soziokulturaleko Dinamizatzaile gisa. Asko izan dira baita ere gurekin formatutako Aisialdiko elkarteak, Euskara elkarteak, Kultur elkarteak, enpresak eta erakunde publikoak.

Gure lan eremu nagusia Hezkuntza Ez Formala izanik, Hezkuntza Formalean ere aritzen gara. Ibilbide luze honetan Feminismoak, Euskarak, Kulturartekotasunak, Aniztasun Funtzionalak, Partehartzeak eta Inklusioak garrantzi handia hartu dute Urtxintxa Eskolaren dinamikan eta Hezkuntza Formalean aritzeko egitasmoak sortu eta garatzen ditugu, beti ere baliotan trebatzen.